Alfabetizazio digitala

"Multimedia Lireracy digital story" deituriko bideo honetan haurren gauzak ikusteko era nola aldatu den azaltzen zaigu. Garai batean mila gauzekin egiten zen amets, nolakoa izango ziren zehatz mehats jakin gabe: ilargian ibili, dinosauroekin egon, Egiptora bidaiatu …. Gaur egun haurrek gauza horiekin amets egiten jarraitzen dute baina ezberdintasun bat dago, orain berein begiekin ikus dezakete. Hau ikusita, hezkuntza XXI. mendean aldatu egingo den sortzen zaigu.

Nire ustez bai, hezkuntza noizbait eta ez oso urrun aldatuko da. Teknologia berrien integrazioa eskoletan jadanik hasi da. Zenbait eskoletan haur bakoitzeko portatil bat jarri dute gelan; bestetan arbela elektrikoa sartu da. Era honetan, azalpen teoriko bat jasotzeaz gain kontzeptu ezberdinak ulertzeko baliabide oso egokiak izango dituzte ikasleek. Askotan zailtasunak izaten dituzte ikusten ez dutena nola gertatzen den ulertzeko, baina oraingoan entzun eta esperimentatu ahal izango dute. Alfabetizazio digitala positibotzat jotzen dut.

"Tiscar Lara" deituriko bigarren beste bideo honetan aldiz, alfebetizazio digitalaren alderdi kritikoa azaltzen zaigu. Garrantzia handia ematen zaio irakurketa eta idazketa digitalari eta sortzearen beharrizanera. Konpetentzia digitala ez da tresnak erabiltzen ikastea bakarrik, baizik eta nahi duzuna bilatzen jakitea, hori aztertzea eta bakoitzak bere ikuspegia adierazten jakitea ere.

Mundu hau, azken finean merkatu bat da eta normalean gure buruari galdetzen ez dizkiogun zenbati gauza galdetu beharko genizkioke. Abantaila asko ditu, baina baditu bere arriskuak. Nork jarri duen irakurtzen gaudena eta nork kontrolatzen duen merkatua kontutan izan beharrekoa da. Kontu handiz ibili behar gara askotan leihoak irekitzen baititugu zeren konpromisoa hartzen dugun begiratu barik.

Beste aldetik web 2.0 honetan parte hartzaile aktiboak izan behar gara, ez bakarrik kontsumitzaileak. Guztiok sortzen dugun sare bat da eta bertako informazioa sortu eta hobetu behar da. Horregatik irakasle gisa gure geletan erabiltzeko baliabideak hartuz gero, hori egokitu, berreraiki eta itzultzeko konpromisoa hartu behar dugu. konpartitu egin behar dugu eta egiten duguna balioetsi behar dugu.

Argi dago teknologia berriak hezkuntzan guztiz ezarrita egotea gertatuko dela. Oso baliabide aberatsa da ulermena eta esperimentazioa sustatzeko. Hala ere kontuz ibili behar gara eta kritikoak izan behar gara sarea irakurri, bilatu eta erabiltzean.

Blogark irakaskuntzan

Blogak oso baliagarriak izan daitezke irakaskuntzarako. Horien bitartez irakasleok beste irakasle batzuekin esperientziak eta baliabideak konpartitu ahal izango genituzke. Ikasketa etengabekoa da eta era honetan guztiok guztiongandik ikas dezakegu.

Beste aldetik, gurasoak eskolako partaide aktiboak izateko balioko duelakoan nago. Blogaren bitartez gelako funtzionamendua esagutuko lukete eta beraz, guraso eta irakasleen artean elkarlan eta komunikazio gehiago egongo litzateke. Horretaz gain, ohar eta berri ezberdinak adierazi ahalko genieke gurasoei.

Haur hezkuntzan baliabide gisa erabil daitezke blogak. Horren bitartez gelan landutakoari laguntza gehigarri bat eskaini ahal izango genioke joku eta ariketa ezberdinen bitartez. Bertan agertzen diren gauzak aztertu ahal izango dituzte leku batean edo bestean klik egitean zer gertatzen den ikusiz. Beraz helburua ondo pasatze, ikertzea eta ikasitakoa lantzea izango litzateke. Ordenagailuak gozatzeko eta ikasteko tresna bezala ulertu behar dira. Honetaz aparte, haur hezkuntzako geletan ordenagailuari hurbilketa bat egitea interesgarria da, gaur egungo gizartean duen garrantzia ikusita.

Teknologia berriak baliabide teknologiko oso interesgarriak dira irakaste-ikaste prozesuan sartzeko. Ikaskuntza errazteko eta prozesu hori jariakortasun handiagoz gertatzeko balio duen tresna da. Ordenagailuarekiko gure ikuspegia aldatu behar dugu. Ez da bideojokoetara jolasteko makina edo askotan arazoak sortzen digun tramankulu kaxkar hori; baizik eta laguntza tresna bat eta baliabide informatiko bat, ikertzeko eta sormena lantzeko balioko duena, non haurrak dira protagonistak.

Testu birsartua

·            Feed (zer den ikusteko bideo hau ikusi)
Nola egiten da?: Sindikatu nahi duzun  webgunearen feed kodea kopiatu eta gero: Personalizar/ Diseño/Elementos de la página/ Add a Page Element/ Feed.
·            Creative commons baimena sartzeko: helbide honetara joan http://creativecommons.org/license/?lang=eu eta adierazten diren pausuak jarraitzen, nahi duzun baimenaren kodea kopiatu. Gero zure blogean joan diseinu pestainara, beheko barran finkoan “añadir un gadget” klik egin eta HTML/javascript aukeratu eta bertan kodea itsatsi. Gorde.
·            Eposta helbidea sartzeko: Blogean, diseinuan, añadir un gadget, HTML/javascript aukeratu eta bertan kode hau itsatsi, gorria dagoen zatian zure posta idatziz
E-posta
·            Testu birsartua (testua oso luzea denean leio batean sar daiteke mugitzeko barrarekin: “nueva entrada” eta html edizio pestainan eta hau sartu:

Prometeus bideoa

Prometeus bideoaren gaia, gaurko eta etorkizuneko mundua nola ulertzen den teknologi berrien ikuspegitik da. Dena internetekin hasten da, multzoetako komunikabideen iraultzarekin. Lehen erabiltzen ziren gauzak eta komunikabideak pixkanaka alde batera utziko ditugu eta dena digital bihurtuko da.

Hau ikusita gure gizarteko jaio berriak ogi batekin jaio beharrean ordenagailu batekin jaiotzen direla esan dezakegu, baina hori bai, zenbat eta urte gehiago pasa orduan eta ordenagailu garatuagoa. Gero eta gauza gehiagotarako erabiltzen ditugu teknologia berriak eta aurretik erabilitako metodoak edo baliabideak, baztertzen ditugu. Gure etorkizuna ordenagailu baten pean ikusten dut dena digital bihurtzen baita: egunkariak, irratia, komunikazioa, argazkiak, informazioa, …

Irudikatzen den etorkizuna makinaz berik dago. Era honetan pertsona bera garrantzia galduko duela uste dut. Dena digital bihurtuta gizakien arteko konexioak hoztu egingo dira eta nork daki, irakasleak agian ordenagailu batzuk izango dira. Nire ustez gizakien ezaugarrietatik nagusiena pentsatzeko eta aukeratzeko ahalmena da. Egia da teknologia berriak edo gizartea ulertzeko modu berri honek bere erraztasunak eta abantailak dituela, baina baditu desabantailak ere. Horretaz gain guk jakin behar dugu zer hartu eta erabili eta aldi berean zer baztertu.

Hezkuntza aldetik, haurrei informazioaren gizartearen berri eman behar zaielakoan nago. Azken finean irakasleek beraien gizarteratze prozesuaren laguntzaileak gara eta berrikuntza hauek gizartearen zati bat dira. Eskolan ere, gizartean bezala, aldaketa ugari egongo direla uste dut. Nire aburuz ordenagailua baliabide oso erabilgarria da heziketarako eta beraiek biziko duten gizartearen zati garrantzitsua izango dela uste dut. Aurretik aipatu dudan bezala, argi dago abantailak eta desabantailak daudela, baina dena ezagutu behar da zer nahi dugun erabaki ahal izateko. Hor egon behar dira hezitzaileak bide egokia aukeratzen laguntzeko.

Informazioaren gizartea. bideoa

Bideo hau Informazioaren gizarteari buruzkoa da, 90. hamarkadaren hasieran sortutako kontzeptua bat. Informazioaren eta komunikazioaren Teknologiak modu masiboan erabiltzeak sortzen duen ekoizpen eta truke sistemari deitu izan zaio Informazioaren gizartea.

Bideoan erakusten den bezala gure gizartea aldatzen doa eta horrekin batera teknologia berriak. Antzin aroan, naturaren aldaketak ziren kontutan hartzen zena denbora neurtzeko eta erdi aroko erdialdean lehengo erlojuak agertu ziren. Industria-iraultzan erlojuak garrantzi handia izan zuen gizartearen bizitzaren antolaketan eta gizartea eta ekonomia ulertzeko era berriak sortu ziren. Esan beharra dago garai honetan kapitalari ematen zitzaiola garrantzia eta teoria ekonomikoek lurra, kapitala eta lana erlazionatzen zituztela.

70. hamarkadan, etengabeko garapenak gertatzen ziren teknologiaren munduan. Paradigma sarea jaio zen, objektuen trukaketa informazioaren trukaketan bihurtu zen eta informazioaren lorpena ezinbestekoa bihurtu zen prozesu ekonomikoentzat. 90. hamarkadan informazioaren gizartearen kontzeptua sartzen da gizartean. Oraingoan informazioa da garrantzi gehien daukana eta ez kapitala. Ezagupena pertsonan dago eta ez erosketetan; irabazkinak berrikuntzekin erlazionatzen dira.

Argi dago etengabeko aldaketak jasaten dituela gure gizartea eta gero eta aukera gehiago eskaintzen dizkigutela teknologia berriek. Gaur egun internetekin eta bestelako teknologiekin mugitzen den gizartea gara. Nire ustez informazioaren pilaketa eta ekoizpena ezinbestekoa bihurtu da gure gizartearentzat, une oro komunikaturik egoteko beharra sentitzearekin batera. Erraztasun handiak ditugu, bai gauzak lortzeko arintasunagatik, etxetik mugitu barik edozer gauza egiteko aukeragatik, une oro komunikaturik egoteko posibiliteagatik, … Gure gizartean teknologia berriak beharrezkoak direlakoan nago eta guztion onerako, daukagun informazioaren gizartea hau garatzen jarraituko duela uste dut.

Tim O'Reilly

Tim O'Reilly, 1954. urtean Irlandako Cork hirian jaioa, arrakasta handia izan du Interneten munduan. 1978an informatikako liburuen izen handiko “O’Reilly Media” argitaletxea sortu zuen eta zenbait ekarpen egin ditu komunikatzeko era berri honetan. Alde batetik 1993. urtean interneteko lehenengo portalea sortu zuen, Global Network Navigator deiturikoa eta beranduago, “kode librearen” garapenean parte hartu zuen. Beste aldetik, O’Reilly oso ospetsua da Web 2.0 aren asmatzailea izateagatik. Termino honen erabilerarekin, Interneten bigarren generazioa dela esan nahi da. Talde honetan sailkatu daitezke webgune sozialak, komunikaziorako tresnak eta folksonomiak, erabiltzaileen artean lankidetza eta informazioaren elkartrukaketa azkar batean oinarritzen direlarik.

web 2.0 bideoa